Sport | Kocha Djumaine Niyonkuru asaini mkataba na DC Virunga ya DR Congo

Kocha mkuu wa zamani wa Inter Star na Vital'o, Djumaine Niyonkuru  tangu Jumanne alikuwa mjini Goma kwa kukamilisha mkataba wake na Daring Club akitokea Bujumbura.

Klabu ya soka ya DC. Virunga imetangaza kuwa wanataka kujipanga upya,  na kocha Djumaine Niyonkuru ndiye kachukua mikoba ya Bukaraba Addy.
Mrundi kwa jina wanao penda kumuita  mjini hapo, baada ya miaka zaidi ya miwili iliyopita, aliwai kuwa kocha mkuu wa Virunga, kwa maarifa na umahiri wake, viongozi wa timu hiyo waliamua kuimarisha mwelekeo wao kwa kocha Djumaine.

Tuwakumbushe kwamba timu ya DC Virunga ilishuka daraja la pili na kocha Djumaine kapewa sharti ya kurejesha timu hiyo katika Ligue 1.

"Nadhani wote tunafahamu ubora wa kocha Mrundi ambaye amefundisha timu yetu na timu kubwa kubwa za Burundi (Vital'o na Inter Star) kwa mafanikio makubwa hivyo bila shaka yoyote tumejiridhisha kuwa ni mwalimu bora'', alisema Kiongozi wa DC Virunga.